Mae yna wobrau ar gael i bobl ifanc ac ysgolion sy'n cymryd rhan yn ein cystadleuaeth diogelwch dŵr yn ystod haf 2025!

Mae ein hymgyrch diogelwch haf yn tynnu sylw at rai o'r peryglon sy'n gysylltiedig â gweithgareddau cyffredin yn ystod yr haf ac yn rhannu cyngor defnyddiol i helpu i gadw ein cymunedau'n ddiogel.

Nod ein cystadleuaeth 'Ble Mae’r Peryglon?' yw addysgu plant am ddiogelwch dŵr a'u helpu i nodi'r peryglon posibl wrth dreulio amser yn y dŵr ac o’i gwmpas i'w helpu i gadw'n ddiogel dros yr haf – a byddem wrth ein bodd yn gweld cymaint o blant â phosibl yn cymryd rhan. 

Gellir dod o hyd i awgrymiadau ar sut i gadw'ch hun yn ddiogel o amgylch y dŵr yma.

Sut i gymryd rhan

Mae dau grŵp oedran yn y gystadleuaeth - 7 ac iau a 7 i 11.

Mae setiau Lego ar gael ar gyfer enillwyr y wobr gyntaf, yr ail a'r drydedd wobr ym mhob categori.

Rydym hefyd yn cynnig rhodd o £100 i'ch ysgol os yw’r cais buddugol yn cael ei anfon o'r ysgol.

Gallwch lawrlwytho PDF y gellir ei argraffu o'r daflen Ble Mae’r Peryglon yma.

I gymryd rhan, e-bostiwch luniau/sganiau o'ch ceisiadau i cystadlaethau@tangogleddcymru.llyw.cymru

Fel arall, gallwch ei bostio at:

Tîm Diogelu ac Atal Tanau,
Gorsaf Dân y Rhyl,
Ffordd y Glannau,
Y Rhyl,
LL18 3PL.

**Gwnewch yn siŵr eich bod yn cynnwys enw, oedran ac ysgol y plentyn yn ogystal â rhif cyswllt ar y daflen**

Y dyddiad cau ar gyfer derbyn yr holl gynigion yw 30 Mehefin.

Pob lwc!