Rydyn ni yna i chi pan fyddwch ein hangen - yn amddiffyn bywydau, cartrefi a chymunedau ledled Gogledd Cymru. 

Mae Gwasanaeth Tân ac Achub Gogledd Cymru yma i gadw pobl yn ddiogel gan gynnwys y cymunedau, busnesau ac ymwelwyr ar draws 2,400 milltir sgwâr o Ogledd Cymru.

Rydym yn helpu i ddiogelu poblogaeth o dros 678,000 o bobl, yn ogystal â'r cannoedd o filoedd o dwristiaid sy'n ymweld â'r rhanbarth bob blwyddyn. Bob dydd, mae tua 900 o staff ymroddedig yn gweithio i atal argyfyngau, ymateb i ddigwyddiadau a chefnogi ein cymunedau.

Pob blwyddyn rydym yn mynychu miloedd o ddigwyddiadau, gan gynnwys tanau, gwrthdrawiadau traffig ar y ffyrdd ac argyfyngau eraill. Rydym hefyd yn gweithio'n gydag ysgolion, busnesau a chymunedau lleol i leihau'r risg a gwella diogelwch.

Mae ein gwasanaeth yn cael ei gefnogi gan fflyd fodern o beiriannau tân, cerbydau ac offer arbenigol - gan sicrhau ein bod yn barod i ymateb pryd bynnag a ble bynnag y mae ei angen arnom.

Ein gweledigaeth

Gweithio gyda'n gilydd i leihau risg, diogelu'r hyn sy'n bwysig, ac adeiladu cymunedau mwy diogel rwan ac ar gyfer y dyfodol.

Ein cenhadaeth

Gwneud Gogledd Cymru yn lle mwy diogel i fyw, gweithio ac ymweld ag o. 

Ein gwerthoedd

• Gwasanaethu’r gymuned- Mae amddiffyn ein cymunedau’n ganolog i bopeth yr ydym ni’n ei wneud- trwy weithio gyda'n partneriaid a grwpiau eraill i leihau'r risg a bod yn atebol i'r rhai yr ydym ni'n eu gwasanaethu.
•  Ymdrechu dros ragoriaeth - Rydym ni bob amser yn ymdrechu i wneud ein gorau glas ym mhopeth yr ydym ni’n ei wneud. Trwy fod yn arloesol ac yn meddwl agored, gan groesawu adborth gan eraill sy'n dysgu o brofiad gan gydnabod cryfderau yn ogystal â chyfleoedd i ddatblygu.
• Pobl- Rydym yn gwerthfawrogi ein gilydd trwy ymarfer a hyrwyddo tegwch a pharch, cefnogi datblygiad personol, cydnabod teilyngdod bod yn ymrwymedig i uniondeb gonest ac ymddiriedaeth i'r ddwy ochr.
• Amrywiaeth a chynhwysiant- Rydym yn galluogi pobl i gyflawni eu potensial llawn waeth beth fo'u cefndir neu amgylchiadau trwy werthfawrogi gwahaniaethau, hyrwyddo cyfle cyfartal, herio rhagfarn a gwahaniaethu.

Ein hegwyddorion

	Ein Hegwyddor Pobl Bod yn y lle cywir, ar yr adeg gywir, gyda’r sgiliau cywir.  Sicrhau gweithlu medrus iawn drwy recriwtio, datblygu a chadw gweithlu llawn cymhelliant a dwyieithog sy’n cynrychioli ac yn hyrwyddo amrywiaeth y cymunedau rydym yn eu gwasanaethu.
	Ein Hegwyddor Atal Gweithio gyda phartneriaid i helpu i wneud cymunedau’n fwy diogel. Lleihau’r risgiau i’n cymunedau, yn enwedig i’r bobl hynny a allai fod yn fwy agored i niwed, drwy ein rhaglenni ymyrraeth sefydledig fel Archwiliadau Diogel ac Iach a Phrosiect Ffenics.
	Ein Hegwyddor Diogelu Gwneud busnesau’n fwy diogel gyda’n gilydd.  Darparu canllawiau arbenigol i fusnesau ar ddiogelu rhag tân i  helpu i sicrhau diogelwch adeiladau, gweithwyr a chwsmeriaid, a thrwy hynny gefnogi busnesau i dyfu. Mae adeiladau risg uchel yn cael eu blaenoriaethu ar gyfer arolygiadau, gan gyfrannu at ddiogelwch y cyhoedd yn gyffredinol.
	Ein Hegwyddor Ymateb Darparu ymateb brys effeithiol. Bod yn barod i ymateb pan fyddwch ein hangen: i ddiogelu’r hyn sy’n bwysig i chi, i achub bywydau, lleihau niwed, ac amddiffyn cartrefi a busnesau.
	Ein Hegwyddor Amgylchedd Diogelu a gwarchod ein hamgylchedd naturiol ar gyfer cenedlaethau’r dyfodol. Mabwysiadu arferion ecogyfeillgar yn ein gweithrediadau beunyddiol i leihau allyriadau carbon ac effeithiau amgylcheddol eraill a chodi ymwybyddiaeth amgylcheddol ymhlith ein staff a’n cymunedau.