Un o'r prif amcanion ar gyfer gwasanaethau tân ac achub yng Nghymru yw mynd ati’n barhaus ac mewn modd cynaliadwy i leihau risg a gwella diogelwch dinasyddion a chymunedau.   

Rydym yn cynnal ymgynghoriad cyhoeddus yn ymwneud â sut y bydd Awdurdod Tân ac Achub Gogledd Cymru yn rheoli'r risgiau hynny, ac yn parhau i atal ac ymateb i danau ac argyfyngau eraill. 

Ar hyn o bryd rydym yn cynnal ymgynghoriad cyhoeddus ar ein Cynllun Gweithredu Rheoli Risg Cymunedol 2026 - 2027. Mae fersiwn hawdd ddarllen o'r cynllun ar gael.

Rydym am glywed eich barn ar ein cynigion ar gyfer 2026–2027.

Sut i roi adborth 

• Cwblhewch ein harolwg ar-lein ar gyfer Cynllun Gweithredu Risg Cymunedol 2026-2027
• Anfonwch e-bost at EinPumEgwyddor@tangogleddcymru.llyw.cymru i ofyn am gopi papur o'r holiadur (mae ffurflen ddychwelyd am ddim ar gael).
• Ffoniwch neu anfonwch neges destun atom ar 07920 084 603 os nad oes gennych fynediad i'r rhyngrwyd.
• Ysgrifennwch atom yn:Pencadlys Gwasanaeth Tân ac Achub Gogledd Cymru Ffordd Salesbury, Parc Busnes Llanelwy Llanelwy, Sir Ddinbych, LL17 0JJ

Mae'r ymgynghoriad ar agor o 23 Hydref i 14 Rhagfyr 2025 (hanner nos).

Bydd yr holl adborth yn cael ei adolygu a'i gyflwyno i'r Awdurdod Tân ac Achub ym mis Ebrill 2026. Yn amodol ar gymeradwyaeth, bydd y cynllun terfynol yn cael ei gyhoeddi a bydd yn dod i rym ar unwaith.

Mae cwestiynau cyffredin ac Asesiad Effaith ar Gydraddoldeb am yr ymgynghoriad hwn ar gael drwy'r dolenni isod neu ar yr ochr dde.

• Cwestiynau cyffredin CRMiP 2026-2027
• Asesiad Effaith ar Gydraddoldeb Cyn-ymgynghoriad CRMiP 2026-2027

Cefndir

Mae'r cynllun hwn yn nodi'r camau nesaf y byddwn yn eu cymryd i gyflawni'r amcanion hirdymor a amlinellir yn ein Cynllun Rheoli Risg Cymunedol (CRMP) 2024–2029. Dyma'r trydydd cynllun gweithredu blynyddol ac mae'n adeiladu ar y gwaith sydd eisoes ar y gweill.

Gallwch gael mynediad at y CRMP 2024–2029 a'r Cynllun Gweithredu 2024–25 ar ein tudalen Cynlluniau Corfforaethol a Hunanasesiad.