Ymgyrch Atal
Mae Ymgyrch Atal yn fenter diogelwch ar y ffyrdd ledled Cymru a gyflwynir mewn partneriaeth â GanBwyll, Heddluoedd Cymru, Awdurdodau Lleol a Gwasanaethau Tân ac Achub Cymru.

Mae'r rhaglen yn defnyddio addysg a chysylltiad ar ochr y ffordd i helpu i fynd i'r afael â'r 5 Peth Angheuol – y pum prif ffactor sy'n cyfrannu at farwolaeth ac anafiadau difrifol ar ffyrdd Cymru:
Gyrru'n ddiofal neu'n beryglus
Gyrru dan dylanwad alcohol neu gyffuriau
Peidio â gwisgo gwregus
Tynnu sylw'r gyrrwr
Goryrru
Fel rhan o Ymgyrch Atal, gall gyrwyr a nodwyd gan yr Heddlu yn sgil troseddau fel goryrru neu beidio â gwisgo gwregys gael cynnig ymyrraeth addysgol byr wedi’i gyflwyno gan staff diogelwch ffyrdd y Gwasanaeth Tân ac Achub. Mae'r sgyrsiau hyn yn helpu defnyddwyr y ffordd i ddeall canlyniadau ymddygiad peryglus ac annog dewisiadau mwy diogel y tu ôl i'r llyw.
Mae'r fenter yn canolbwyntio ar wella diogelwch ar ffyrdd 20mya, 30mya a 40mya, yn ogystal â hyrwyddo’r defnydd o wregysau a defnyddio offer diogelwch i blant yn gywir.
Trwy weithio'n agos gyda'n partneriaid, mae Gwasanaeth Tân ac Achub Gogledd Cymru yn helpu i gyflwyno negeseuon diogelwch ffyrdd cyson ledled Cymru, gan gefnogi ein nod cyffredin o leihau gwrthdrawiadau, atal anafiadau ac achub bywydau.
Mae rhagor o wybodaeth am Ymgyrch Atal ar gael ar wefan GanBwyll.

