Rydym am i bawb gael haf pleserus - ond yn un diogel hefyd.

Daw'r haf a nifer o beryglon yn ei sgil os nad ydych yn dilyn y cyngor tân a diogelwch ar y ffyrdd  priodol ar gyfer yr adeg hon o'r flwyddyn.

Gallai ychydig o ragofalon ac ychydig o ofal ychwanegol eich cadw chi a'ch teulu'n ddiogel a helpu i atal y rhan fwyaf o beryglon tân a pheryglon ar y ffyrdd.

Dyma ein prif awgrymiadau ar gyfer diogelwch yn yr haf:

Parchu cefn gwlad

Gallai sigarét wedi ei thaflu o ffenestr car, barbeciw sy'n rhoi gwrych ar dân, neu goelcerth a adewir heb neb yn cadw llygad arni gychwyn tân a fydd yn dinistrio erwau o gefn gwlad, cnydau a bywyd gwyllt. 

Pan fyddwch chi allan yng nghefn gwlad, defnyddiwch y biniau sy'n cael eu darparu, gan sicrhau bod barbeciws a sigaréts wedi cael eu diffodd yn llwyr cyn eu taflu. Cofiwch hefyd mai dim ond pan fydd yr arwyddion yn dweud bod caniatâd ichi ddefnyddio barbeciw y dylech wneud hynny, a phan fyddwch chi'n barod i adael gwnewch yn siŵr eich bod yn clirio'ch holl sbwriel, gan gynnwys yr holl boteli, gwydrau, ac unrhyw wydr wedi torri er mwyn eu hatal rhag dal yr haul a chynnau tân.

Deall Peryglon Dŵr

Ar ddiwrnod poeth, efallai y bydd llawer ohonom yn ymdrochi’n sydyn mewn dŵr i'n helpu i oeri, ond mae yna nifer o risgiau sy'n gysylltiedig â mynd i mewn i'r dŵr. 

Dim ots pa mor llonydd y mae’r dŵr yn edrych, gall ceryntau cryf a pheryglon cudd fod ynddo, a gall fod yn oer. Cofiwch bob amser fynd i mewn i'r dŵr yn araf, yn hytrach na neidio i mewn, i’ch helpu eich hun i ddod i arfer â'r tymheredd ac osgoi sioc dŵr oer - hyd yn oed yn yr haf, gall y dŵr fod yn oer iawn.

Os byddwch mewn trafferth yn y dŵr, y cyngor gorau i’w gofio yw 'Arnofio i Fyw’.

• Tilt your head back with ears submerged.
  
• Relax, breathe normally.
  
• Move your hands to help you float.
  
• Spread your arms and legs out.
  
• Once your breathing is controlled, call for help or swim to safety.

Gallai achub eich bywyd.

Peidiwch ag yfed a choginio

Bydd llawer o bobl hefyd yn mwynhau cael diod mewn amrywiol lefydd yn ogystal ag adref yn yr ardd yn ystod y nosweithiau goleuach – a byddwn yn eich annog i osgoi coginio ar ôl yfed, yn enwedig os ydych chi'n teimlo'n llwglyd ar ôl dychwelyd adref ar ôl noson allan!

Y ffordd orau o ddelio â’r awydd am fwyd a chadw’n ddiogel yw cael tecawê neu baratoi brechdan cyn i chi fynd allan.

Byddwch yn gyfrifol wrth gael barbeciw

Gall cael barbeciw fod yn hyfryd ond mae angen i chi fod yn ddiogel wrth goginio yn yr awyr agored – peidiwch byth â gadael eich barbeciw heb rywun yn cadw llygad arno, cadwch y barbeciw ymhell oddi wrth blant, anifeiliaid anwes a deunyddiau fflamadwy, peidiwch ag yfed a choginio a gwnewch yn siŵr eich bod chi'n gwaredu'r lludw yn ddiogel.

Gall dilyn yr awgrymiadau diogelwch syml yma helpu i’ch cadw chi, eich teuluoedd a'ch cymunedau yn ddiogel dros yr haf.

Cliciwch ar y linc isod am gyngor a gwybodaeth ar sut i aros yn ddiogel yn ystod yr haf

Diogelwch yn ystod yr Haf