20.07.26

Diweddariad 16:30 

Mae diffoddwyr tân yn parhau i ddelio a thanau ym mynyddoedd y Rhinogydd ger Llyn Cwm Bychan ger Harlech, ym Mhentrefelin, Caergybi ac ar y mynydd uwchben Capelulo ger Bwlch Sychnant.

Rydym hefyd yn bresennol ar hyn o bryd mewn tân yn yr awyr agored ar Fynydd yr Hôb, Sir y Fflint ac yn Brynffordd ger Treffynnon.

Rydym yn derbyn galwadau am losgi dan reolaeth yn digwydd ar draws y rhanbarth. O ystyried yr amodau sych presennol a'r risg uwch o danau gwyllt, rydym yn annog tirfeddianwyr ac aelodau o'r cyhoedd i beidio cynnal unrhyw losgiadau dan reolaeth ar hyn o bryd. Gall tanau ledaenu'n gyflym a rhoi pobl, eiddo, bywyd gwyllt ac ymatebwyr brys mewn perygl sylweddol
Gofynnir i aelodau o'r cyhoedd osgoi’r ardaloedd yr effeithir arnynt, gan ganiatáu i griwiau brys weithio'n ddiogel a sicrhau mynediad i gerbydau gweithredol.

Os ydych chi'n cael eich effeithio gan fwg, cysgodwch dan do a chadwch ffenestri a drysau ar gau.  Dilynwch canllawiau Iechyd Cyhoeddus Cymru.

Rydym yn parhau i ddefnyddio ystod o dactegau i ddiffodd y tanau ym mhob digwyddiad. Mae cymorth o'r awyr hefyd yn cael ei ystyried - o ganlyniad i'r tir mynyddig a'r mynediad cyfyngedig, ym mynyddoedd y Rhinogydd ger Cwm Bychan. 

Gofynnodd Gwasanaeth Tân ac Achub Gogledd Cymru am gymorth o'r awyr drwy Cyfoeth Naturiol Cymru (CNC) yr wythnos diwethaf. Er bod y cais wedi'i gymeradwyo, nid yw cymorth hofrennydd gan y darparwyr gael ar hyn o bryd oherwydd y galw o ddigwyddiadau tanau gwyllt mewn mannau eraill ledled y DU. Rhaid i unrhyw weithredwr a ddefnyddir gan Cyfoeth Naturiol Cymru ar gyfer ymateb i danau gwyllt fodloni gofynion gweithredol, diogelwch a sicrwydd penodol.

Dywedodd Jami Jennings, Gwasanaeth Tân ac Achub Gogledd Cymru a Chadeirydd y Grŵp Cydlynu Tactegol:

"Hoffem roi sicrwydd i'r gymuned leol bod y sefyllfa yn y lleoliadau hyn yn parhau i gael ei rheoli'n agos.

"Ar hyn o bryd nid oes unrhyw arwydd y bydd angen i breswylwyr adael eu cartrefi. Mae diffoddwyr tân yn parhau i fod mewn cysylltiad agos â'r rhai yr effeithir arnynt ac yn gweithio gydag asiantaethau partner i sicrhau bod cymorth priodol ar gael os oes angen.

"Hoffwn ailadrodd fy niolch i'n diffoddwyr tân, staff yr ystafell rheoli a grwpiau gwirfoddol, yn ogystal â thrigolion lleol a busnesau am eu cefnogaeth a'u hamynedd.

"Rydym yn parhau i gyfarfod yn rheolaidd â sefydliadau partner i helpu i gadw ein cymunedau'n ddiogel." 

19.07.26

Diweddariad 10:15am

Mae'r gwasanaethau brys ac asiantaethau partner yn parhau i  ddelio â digwyddiadau tanau gwyllt ar draws Gogledd Cymru fore ‘ma, gan gynnwys ym mynyddoedd y Rhinogydd ger Llyn Cwm Bychan, ger Harlech, Pentrefelin, Caergybi, a'r mynydd uwchben Capelulo ger Bwlch Sychnant.

Ym mynyddoedd y Rhinogydd, mae diffoddwyr tân yn parhau i weithio ochr yn ochr â Cyfoeth Naturiol Cymru i sefydlu a chryfhau toriadau tân i gyfyngu ar ledaeniad y tân. Mae criwiau hefyd yn parhau i fod yn bresennol ym Mhentrefelin, lle maen nhw'n monitro amodau ac yn mynd i'r afael ag unrhyw fflamau. Mae'r sefyllfa yng Nghapelulo yn parhau i gael ei monitro'n agos.

Gall mwg barhau i effeithio ar ardaloedd nad ydynt wedi'u heffeithio o'r blaen, oherwydd newidiadau i gyfeiriad y gwynt trwy gydol y dydd. Wrth i'r tymheredd ostwng, yn enwedig dros nos ac yn ystod y bore cynnar, gall mwg setlo mewn ardaloedd is a dod yn fwy amlwg. Mae hyn yn ddisgwyliedig ac nid yw o reidrwydd yn dangos bod y tân wedi gwaethygu.

Cynghorir preswylwyr ac ymwelwyr sy'n cael eu heffeithio gan fwg i aros dan do a chadw ffenestri a drysau ar gau. Unwaith y bydd mwg wedi clirio, dylid awyru eiddo trwy ailagor ffenestri a drysau. Mae rhagor o gyngor iechyd ar gael gan Iechyd Cyhoeddus Cymru

Gofynnir i aelodau o'r cyhoedd osgoi ardaloedd yr effeithir arnynt er mwyn caniatáu i griwiau brys weithio'n ddiogel a sicrhau mynediad i gerbydau gweithredol.
 

18.07.26

17.07.26

Diweddariad 18:30 

Mae criwiau'n yn gweithio’n galed i ddod â thanau gwyllt dan reolaeth ger Pentrefelin, Caergybi ac ar fynyddoedd Rhinogydd ger llyn Cwm Bychan yn agos i Harlech, tra hefyd yn parhau i fonitro ac asesu amodau ar y mynydd uwchben Capelulo ger Bwlch Sychnant.

Ym Mhentrefelin, Caergybi, ar hyn o bryd mae saith injan dân, un uned tân gwyllt, swyddogion arbenigol a thua 30 o ddiffoddwyr tân ar y safle. Mae criwiau'n parhau i weithio i atal y tân ac atal lledaeniad pellach, tra'n monitro amodau'n agos.

Hoffem roi sicrwydd i'r gymuned leol bod y sefyllfa yn parhau i gael ei fonitro’n agos. Ar hyn o bryd nid oes unrhyw arwydd y bydd angen i drigolion yn ardal Pentrefelin nag ardal ger mynyddoedd Rhinogydd  adael eu cartrefi. Mae diffoddwyr tân yn parhau i fod mewn cysylltiad â'r eiddo cyfagos ac yn gweithio gydag asiantaethau partner i sicrhau bod cymorth priodol ar gael os oes angen.

Cynghorir trigolion i gysgodi dan do a chadw ffenestri a drysau ar gau, oherwydd mwg ger digwyddiadau Harlech a Chaergybi. Unwaith y bydd y mwg wedi clirio, dylid awyru eiddo trwy ailagor ffenestri a drysau.

Rydym yn parhau i ofyn i aelodau o'r cyhoedd osgoi ardaloedd yr effeithir arnynt, gan ganiatáu i griwiau brys weithio'n ddiogel a sicrhau mynediad i gerbydau gweithredol.

Diweddariad 14:15

Mae Gwasanaeth Tân ac Achub Gogledd Cymru yn parhau i fod yn bresennol mewn sawl digwyddiad ar draws Gogledd Cymru, gan gynnwys ym Mhentrefelin, Caergybi, mynyddoedd y Rhinogydd ger Harlech, a ger Bwlch Sychnant, Capelulo.

Ym Mhentrefelin, Caergybi, mae diffoddwyr tân yn parhau i ddelio â tân ar dir prysg sy'n effeithio ar oddeutu 1,000 metr sgwâr o dir. Cynghorir trigolion lleol i gadw ffenestri a drysau ar gau oherwydd mwg yn yr ardal.

Hoffem tawelu meddwl i drigolion lleol nad oes gofyniad ar hyn o bryd i wacáu ardal Pentrefelin. Mae diffoddwyr tân dal i fod ar y safle, yn parhau i fonitro'r sefyllfa'n agos, ac yn cadw cysylltiad rheolaidd â'r rhai sy'n byw gerllaw. Os bydd amgylchiadau'n newid, bydd cymorth a chymorth priodol yn cael ei ddarparu.

Ym mynyddoedd Rhinogydd ger llyn Cwm Bychan, ger Harlech, mae criwiau'n parhau i weithio i ddod â'r tân gwyllt dan reolaeth gan ddefnyddio amrywiaeth o dechnegau diffodd tân.

Cynghorir preswylwyr ac ymwelwyr yn yr ardaloedd yr effeithir arnynt i gysgodi dan do a chadw ffenestri a drysau ar gau. Unwaith y bydd y mwg wedi clirio, dylid awyru eiddo trwy ailagor ffenestri a drysau. Mae rhagor o gyngor iechyd ar gael gan Iechyd Cyhoeddus Cymru.

Ar y mynydd uwchben Capelulo, ger Bwlch Sychnant, rydym yn parhau i fonitro'r ardal yn dilyn gweithgarwch tanau gwyllt diweddar. Mae cyflenwyr ynni hefyd yn edrych i atgyweirio llinellau pŵer gerllaw.

Arhoswch draw o ardaloedd tanau gwyllt, gan gynnwys lleoedd yr effeithiwyd arnynt yn gynharach yr wythnos hon. Rydym wedi cael adroddiadau o feicwyr a cherddwyr ger Bwlch Sychnant. Mae cadw'n glir yn helpu i'ch diogelu, yn cefnogi gwaith atgyweirio, ac yn cadw mynediad ar agor i gerbydau brys.

Diolchwn i gymunedau lleol am eu hamynedd a'u cydweithrediad parhaus. Bydd diweddariadau pellach yn cael eu darparu wrth i'r sefyllfa ddatblygu. 

Diweddariad 11:40

Mae diffoddwyr tân yn parhau i ymateb i'r tân gwyllt ym mynyddoedd y Rhinogydd ger llyn Cwm Bychan, yn Harlech.

Arhosodd criwiau ar y safle dros nos ac maent yn parhau i weithio i ddod â'r tân dan reolaeth trwy ddefnyddio toriadau tân naturiol, creu rhai newydd a rhoi dŵr ar fannau poeth. Mae gwaith amlasiantaeth yn parhau i gydlynu'r ymateb i'r digwyddiad parhaus hwn.

O ganlyniad i'r tir mynyddig a'r mynediad cyfyngedig, mae Gwasanaeth Tân ac Achub Gogledd Cymru wedi gofyn am gymorth o'r awyr drwy Gyfoeth Naturiol Cymru. Mae'r cais wedi'i gymeradwyo; fodd bynnag, nid yw cymorth hofrennydd ar gael ar hyn o bryd tan ddechrau'r wythnos nesaf oherwydd y galw am ddigwyddiadau tanau gwyllt mewn mannau eraill ledled y DU. Mae criwiau'n parhau i ddefnyddio tactegau ar y ddaear i ddod â'r tân dan reolaeth.

Mae ffyrdd lleol a llwybrau troed ger mynyddoedd Rhinogydd wedi cael eu cau ac rydym yn annog y cyhoedd i gadw draw o'r ardal.

Wrth i gyfeiriad y gwynt newid, mae'n debygol y bydd gwahanol gymunedau yn cael eu heffeithio gan fwg heddiw a dros y penwythnos. Cynghorir preswylwyr ac ymwelwyr yn yr ardaloedd yr effeithir arnynt i gysgodi dan do a chadw ffenestri a drysau ar gau. Unwaith y bydd y mwg wedi clirio, dylid awyru eiddo trwy ailagor ffenestri a drysau. Mae rhagor o gyngor iechyd ar gael gan Iechyd Cyhoeddus Cymru.

Mewn mannau eraill, mae diffoddwyr tân hefyd yn ymateb i dân ar dir prysg ger Pentrefelin, Caergybi. Cynghorir trigolion lleol yn yr ardal i gadw ffenestri a drysau ar gau oherwydd y mwg. Fynychwyd tân cerbyd yn Ffynnongroyw, Sir y Fflint dros nos. Mae’r digwyddiad hwn bellach dan reolaeth. Mae criwiau hefyd yn parhau i fonitro ac asesu'r sefyllfa yn dilyn gweithgarwch tanau gwyllt diweddar ar y mynydd yng Nghapelulo.

Dywedodd Andrew McLaren, Arweinydd Cwmpas a Gwydnwch ar gyfer y Grŵp Gwasanaethau Brys ar y Cyd a Chadeirydd y Grŵp Cydlynu Tactegol:
"Mae ein diffoddwyr tân yn parhau i weithio'n galed i fynd i'r afael â'r tân gwyllt ym mynyddoedd y Rhinogydd a hoffwn ddiolch i gymunedau lleol am eu hamynedd a'u cefnogaeth.

"Mae'r digwyddiadau diweddar rydyn ni wedi'u mynychu ledled Gogledd Cymru yn dangos pa mor gyflym y gall tanau ledaenu yn yr amodau presennol. Wrth i bobl fwynhau gwyliau'r haf, rydym yn gofyn i bawb weithredu'n gyfrifol a'n helpu i ddiogelu ein cefn gwlad.

"Peidiwch â chynnau tân mewn mannau agored, peidiwch â defnyddio barbeciw tafladwy mewn ardaloedd gwledig, a gwaredwch eich deunyddiau ysmygu yn ddiogel bob amser. Gall camau bach wneud gwahaniaeth mawr a helpu i atal tanau a all gael effaith ddinistriol ar ein cymunedau, ein bywyd gwyllt a'n hamgylchedd."

16.07.26

Diweddariad 19:30

Diweddariad 11:30

Mae diffoddwyr tân yn parhau i fod yn lleoliad tân gwyllt mawr ym mynyddoedd Rhinogydd ger llyn Cwm Bychan, ger Harlech.

Ar hyn o bryd amcangyfrifir bod y tân yn cwmpasu tua 2,000 erw. Mae criwiau'n parhau i geisio diffodd y tân mewn amodau heriol.

Mae cyfran sylweddol o'r ardal yr effeithir arno yn anodd i gyrraedd,gan wneud gweithrediadau diffodd tân yn arbennig o heriol. Mae'r tân hefyd yn agosáu at ardaloedd coedwigaeth, sy'n cael ei fonitro'n agos fel rhan o'r ymateb parhaus.

O ganlyniad i'r tir anodd a'r mynediad cyfyngedig, gofynnodd Gwasanaeth Tân ac Achub Gogledd Cymru am gymorth o'r awyr drwy Cyfoeth Naturiol Cymru (CNC). Er bod y cais wedi'i gymeradwyo, nid yw cymorth hofrennydd ar gael ar hyn o bryd tan ddechrau'r wythnos nesaf oherwydd y galw gan ddigwyddiadau tanau gwyllt mewn mannau eraill ledled y DU.

Mae nifer o griwiau tân yn parhau i fod yn bresennol ac mae disgwyl iddynt fod yna am beth amser. Mae ffyrdd lleol wedi'i cau i helpu'r ymdrechion ymateb brys.Fel rhagofal, mae criwiau'n cadw cysylltiad ag eiddo cyfagos a safle gwersylla lleol, er nad oes unrhyw arwydd ar hyn o bryd bod angen gwacáu trigolion.

Dywedodd Jody McEachern, Pennaeth Atal:

"Mae ein ffocws yn parhau i fod ar atal y tân mewn y modd effeithiol â phosibl, wrth fonitro amodau newidiol a diogelu'r amgylchedd cyfagos.

"Mae'r digwyddiad hwn yn tynnu sylw at bwysigrwydd y berthynas waith agos rhwng y gwasanaethau brys, Cyfoeth Naturiol Cymru a sefydliadau partner eraill, a hoffwn ddiolch i bawb a fu'n rhan o'r ymateb hyd yn hyn.

"Hoffwn hefyd ddiolch i drigolion lleol, busnesau ac ymwelwyr am eu hamynedd a'u cefnogaeth barhaus. Trwy osgoi'r ardaloedd yr effeithir arnynt, mae aelodau'r cyhoedd yn ein helpu i gynnal mynediad i gerbydau brys ac yn caniatáu i ddiffoddwyr tân ganolbwyntio ar ymateb i’r tân."

Rydym hefyd yn parhau i fonitro'r sefyllfa ar y mynydd ger Capelulo ac yng Nghoedwig Braichmelyn, Bethesda. Cafodd criwiau eu galw i Fagillt neithiwr. Mae'r tân hwn dan reolaeth.

Gofynnwn i'r cyhoedd osgoi'r ardaloedd hyn tra bod gweithrediadau diffodd tân yn parhau.

Gall mwg fod i'w weld mewn rhai cymunedau cyfagos. Os ydych chi'n cael eich effeithio gan fwg, cadwch ffenestri a drysau ar gau nes bod y mwg wedi diflannu. Unwaith y bydd yr amodau wedi gwella, agorwch ffenestri a drysau i awyru'ch cartref.

I gael rhagor o gyngor iechyd a diogelwch, gweler canllawiau Iechyd Cyhoeddus Cymru.

15.07.26

Rydym wedi derbyn nifer o alwadau gan aelodau o'r cyhoedd ynglŷn â'r tân ar Fynydd Conwy ger Capelulo.

Hoffem roi sicrwydd i'r cyhoedd fod criwiau yn bresennol ym Mynydd Conwy ger Capelulo, Coedwigaeth Braichmelyn, Bethesda ac ym mynyddoedd Rhinogydd, Llanberis, ger Harlech.

Cadwch draw o'r ardaloedd yr effeithir arnynt gan dân.

Cynghorir trigolion sy'n cael eu heffeithio gan fwg i gadw ffenestri a drysau ar gau nes bod yr amodau yn gwella ac mae'r mwg wedi gwasgaru. Unwaith y bydd y mwg wedi clirio, mae'n syniad da agor ffenestri a drysau i awyru'ch cartref.

Dilynwch Iechyd Cyhoeddus Cymru am fwy o gyngor.

Gyda rhagolygon yn dangos y bydd tywydd cynnes yn parhau, mae Gwasanaeth Tân ac Achub Gogledd Cymru a'i bartneriaid yn apelio ar y cyhoedd i gymryd gofal ychwanegol a lleihau'r risg o dân yn ein cymunedau.

Rydym yn parhau i fod yn bresennol yn y tanau ym Mynydd Conwy ger Capelulo, ac ym mynyddoedd Rhinogydd, ger Harlech.

Bydd swyddogion a chriwiau yn ail-archwilio'r ddau safle yn rheolaidd.

Byddwch yn ymwybodol bod disgwyl i'r ddau dân barhau i fudlosgi a gallant gynhyrchu mwg am sawl diwrnod. Gofynnir i aelodau o'r cyhoedd gysylltu â Gwasanaeth Tân ac Achub Gogledd Cymru dim ond os ydynt yn gweld fflamau gweladwy neu os bydd mwg yn mynd yn ormodol neu'n llethol yn eu hardal.

Cynghorir trigolion sy'n cael eu heffeithio gan fwg i gadw ffenestri a drysau ar gau nes bod yr amodau yn gwella ac mae'r mwg wedi gwasgaru. Unwaith y bydd y mwg wedi clirio, mae'n syniad da agor ffenestri a drysau i awyru'ch cartref.

Dilynwch Iechyd Cyhoeddus Cymru i gael rhagor o gyngor.

Ar hyn o bryd mae criwiau'n dampio i lawr yn y tân yng Nghoedwigaeth Braichmelyn, Bethesda.

Mae swyddogion wedi cadarnhau bod diffoddwyr tân wedi bod yn mynd i'r afael â thair sedd ar wahân o dân yng Nghoedwigaeth Braichmelyn - ac mae tystiolaeth o bobl yn defnyddio pyllau tân yn yr ardal wedi ysgogi apêl i gymryd gofal ychwanegol pan fyddant allan yng nghefn gwlad.

Dywedodd y Pennaeth Atal Jody McEachern: "Mae ein Diffoddwyr Tân wedi gweithio'n ddiflino i ymateb i'r digwyddiadau heriol hyn - ac mae cefnogaeth ein cymunedau a'n hasiantaethau partner wedi bod yn amhrisiadwy.

"Hoffwn ailadrodd fy niolch i gymunedau lleol am eu hamynedd a'u cydweithrediad, a'n diffoddwyr tân, staff yr Ystafell Reoli, asiantaethau partner am bopeth maen nhw wedi'i wneud.

"Fy apêl nawr yw i'r cyhoedd i helpu ein diffoddwyr tân trwy atal y tanau hyn rhag torri allan.

"Gyda'r amodau tywydd poeth a sych presennol, gall hyd yn oed gwreichionen fach ddatblygu'n gyflym i dân sy'n lledaenu'n gyflym.

"Gall tanau glaswellt ddechrau o fewn eiliadau.

"Gall barbeciw sydd ddim yn cael ei defnyddio'n gyfrifol ddod yn berygl tân yn hawdd - os ydych chi allan o gwmpas, gadewch y barbeciw gartref a phacio picnic yn lle hynny.

"Mae pyllau tân a thanau agored yn peri risg tân – byddem yn gofyn i bobl osgoi'r rhain, ac ymatal rhag ymgymryd ag unrhyw losgi yn ystod yr amodau poeth presennol.

"Trwy aros yn wyliadwrus, gwaredu sigaréts yn ddiogel, a defnyddio barbeciw mewn lleoliadau priodol yn unig, gallwch chwarae rhan bwysig wrth atal tanau y gellir eu hosgoi ac amddiffyn y rhai o'ch cwmpas."