Mae ymatebwyr aml-asiantaeth Gogledd Cymru yn parhau i weithio mewn partneriaeth i amddiffyn cymunedau gan fod #StormDarragh wedi dod â thywydd garw dros nos.

Mae Rhybudd Coch am wyntoedd cryfion a Rhybuddion Melyn am lifogydd yn parhau mewn lle.

Dywedodd yr Uwcharolygydd Owain Llewellyn: “Diogelwch y cyhoedd yw ein blaenoriaeth o hyd. Mae gwyntoedd eithafol a llifogydd posibl yn parhau i beri risgiau sylweddol heddiw.

“Rydym wedi gweld aflonyddwch difrifol ar draws y rhanbarth. Mae llawer o ffyrdd ar gau felly cofiwch osgoi teithio diangen a dilynwch gyngor swyddogol.”

Gwybodaeth Allweddol:

• Mae'r gwasanaethau brys, cynghorau lleol, a Chyfoeth Naturiol Cymru yn cydlynu ymatebion ac yn paratoi amddiffynfeydd.
• Disgwylir amhariad teithio. Edrychwch allan am y wybodaeth ddiweddaraf trwy sianeli dibynadwy.
• Mae cefnogaeth ar gael i drigolion bregus.
• Gwnewch yn siwr eich bod hefo’r gwybodaeth diweddaraf.

Dilynwch ddiweddariadau ar gyfryngau cymdeithasol gan:

• Y Swyddfa Dywydd (tywydd)
• Cyfoeth Naturiol Cymru (llifogydd)
• Traffig Cymru (ffyrdd)
• Awdurdodau lleol (aflonyddwch lleol)
• Gwasanaeth Tân ac Achub Gogledd Cymru (tanau a llifogydd)

Byddwch #YmwybodolO’rTywydd, ceisiwch osgoi teithio os yn bosibl, a chadwch lygad allan am ddiweddariadau.