Mae diffoddwyr tân ar hyn o bryd yn delio â thân mawr ar fynydd Allt Wen yn Nwygyfylchi, Penmaenmawr.

Mae criwiau o Fae Colwyn, Llandudno, Abergele, Conwy, Dinbych, Bangor a Llanrwst yn bresennol yn y tân a ddechreuodd neithiwr.

Mae’r gwasanaeth tân ac achub yn ymwybodol y gellir gweld y tân hwn o’r A55 a'r ardaloedd o gwmpas, ac maent yn cynghori pobl yn ardaloedd Dwygyfylchi a Phenamaenmawr i gau ffenestri a drysau i osgoi mwg rhag mynd i mewn i’w heiddo.