Adolygiad Darpariaeth Brys - Dweud eich dweud

Eich Gwasanaeth Tân ac Achub chi-

Y Lle Iawn, Yr Amser Iawn, Y Sgiliau Iawn

Mae Awdurdod Tân ac Achub Cymru yn cynnal ymgynghoriad cyhoeddus i gasglu adborth gan y rhai sy’n byw, yn gweithio, ac yn teithio yn y rhanbarth am ddyfodol sut rydym yn darparu ein gwasanaethau brys yng Ngogledd Cymru.

Darpariaeth brys yw’r ffordd rydym yn rheoli ein hadnoddau i gadw pobl yn ddiogel - waeth ble rydych chi’n byw neu pwy ydych chi, ein
nod ydy bod yno i chi pan fydd arnoch ein hangen ni.

I’n helpu i ddatblygu ein hopsiynau ar gyfer y dyfodol, rydym wedi bod yn gweithio gyda’n staff a chyrff cynrychioliadol, aelodau’r cyhoedd, cynrychiolwyr y cyngor, grwpiau agored i niwed lleol ac aelodau o’n Hawdurdod Tân ac Achub i ddeall yr hyn sy’n wirioneddol bwysig petaech chi, neu rywun yr ydych yn gofalu amdano, angen ein gwasanaethau mewn argyfwng.

Mae’r holl adborth o'r cyn-ymgynghoriad wedi cael ei ddefnyddio i ddatblygu ein hopsiynau ar gyfer dyfodol y ddarpariaeth brys ar draws Gogledd Cymru – rydym eisiau gwybod beth yw eich barn.

Mae eich barn yn bwysig i ni a hoffem glywed gennych cyn i ni wneud unrhyw benderfyniadau am ddyfodol ein gwasanaethau.

Gallwch rannu eich barn gyda ni hyd at hanner nos ar ddydd Gwener 22 Medi 2023 - gallwch ddarganfod mwy am sut i gymryd rhan yma.

Mae copi PDF o'r ddogfen ymgynghori llawn ar gael yma.